मिर्मिरे माइक्रोफाइनान्स डिभलभमेन्ट बैंकको हकप्रद शेयर खुला

मिर्मिरे माइक्रोफाइनान्स डिभलभमेन्ट बैंकको असार २७ गतेदेखि १००% हकप्रद शेयर बिक्री खुला भएको छ । कम्पनीले १:१ अनुपातमा ४ लाख ५० हजार  कित्ता शेयर निष्कासन गरेको हो । १०० रुपैयाँ अंकित मूल्यको यो हकप्रद साउन २९ गतेसम्म भर्न सकिनेछ । जेठ १७ गतेसम्म कायम शेयरधनी मात्र हकप्रद भर्न योग्य हुनेछन् । बिक्री प्रबन्धक एनआइबीएल एस क्यापिटल लाजिम्पाटसहित शाखा कार्यालयहरु लालदरबार काठमाडौं, लगनखेल ललितपुर, पोखरा, बुटवल, वीरगञ्ज र विराटनगरबाट पनि आवेदन दिन सकिनेछ । यसैगरी, मिर्मिरेको बनेपा सहित अन्य शाखा तथा नेपाल इन्भेष्टमेन्ट बैंकको विराटनगर, वीरगञ्ज, नेपालगञ्ज, नारायणगढ, बुटवल एवं धनगढी शाखाबाट पनि आवेदन दिन मिल्नेछ । धितोपत्र बोर्डबाट अनुमति प्राप्त आस्वा सेवामा सहभागी बैंक तथा वित्तीय संस्थाबाट पनि हकप्रद भर्ने सुविधा छ । हाल मिर्मिरेको चुक्ता पुँजी ४ करोड ५० लाख रुपैयाँ रहेको छ । हकप्रद बिक्रीपछि चुक्ता पुँजी ९ करोड रुपैयाँ पुग्नेछ । चालु आर्थिक वर्षको तेस्रो त्रैमाससम्म कम्पनीले २ करोड १२ लाख १४ हजार रुपैयाँ खुद नाफा कमाएको छ । मिर्मिरेको प्रतिशेयर आम्दानी ६२ रुपैयाँ ८६ पैसा र प्रतिशेयर नेटवर्थ २११ रुपैयाँ २८ पैसा छ ।