सूर्या लाइफ इन्सुरेन्सको १२% बोनस शेयरमा मूल्य समायोजन

सूर्या लाइफ इन्सुरेन्सको १२% बोनस शेयरमा मूल्य समायोजन भएको छ । बोनस समायोजनपछि कम्पनीको शेयर मूल्य प्रतिकित्ता ५८०.३६ रुपैयाँ कायम भएको छ । आइताबार सूर्या लाइफ इन्सुरेन्सको शेयर कारोबार यही मूल्यलाई आधर मानेर खुलेको छ । यसको औसत आधार मूल्य भने ७२७.२१ रुपैयाँ छ । सूर्या लाइफ इन्सुरेन्सको असार ३२ गते साधारण सभा गर्दैछ । यसका लागि आइतबार बुक क्लोज गरेको हो । सभामा हालै बिक्री गरिएको ४०% हकप्रद भर्नेले पनि पाउने गरी १२% बोनस शेयर र कर तिर्न ०.६३% नगद लाभांश दिने प्रस्ताव लगिनेछ। यसैगरी, १२% बोनस शेयरपछि कायम हुने चुक्ता पुँजी १ अर्ब १३ करोड १९ लाख रुपैयाँको फेरि ७०% हकप्रद बिक्री गर्ने प्रस्ताव पनि सभाको एजेन्डा बनाइने छ ।चालु आर्थिक वर्षको तेस्रो त्रैमाससम्म आइपुग्दा सूर्या लाइफले ९ करोड ७७ लाख ५४ हजार रुपैयाँ खुद नाफा कमाएको छ । यसको प्रतिशेयर आम्दानी १८ रुपैयाँ ६ पैसा र प्रतिशेयर नेटवर्थ १५५ रुपैयाँ १६ पैसा रहेको छ ।