'मेरो सेयर'मा लाभांश विवरण पनि हेर्न पाइने !

सिडिएससीले 'मेरो सेयर' मार्फत नै लाभांशको रेकर्ड हेर्न सकिने व्यवस्थाको तयारी गरेको छ । निकट भविष्यमै 'मेरो सेयर'मा सूचिकृत कम्पनीहरुले दिने लाभांशको पूर्ण विवरण समेत लगानीकर्ताले हेर्न पाउने गरी नयाँ फिचर थप्न लागेको हो। मेरो सेयर'मा आबद्ध लगानीकर्ताले पनि आफूले लगानी गरेको कम्पनीले दिएको लाभांशको सम्पूर्ण विवरण हेर्न पाउने गरी  नयाँ फिचर थपिन लागेको हो । नयाँ फिचर थपिएपछि ‘लगानीकर्ताले लाभांशदेखि त्यो जम्मा भएको मिति, लाभांश परिमाण लगायतको बिषय मेरो सेयरमा हेर्न सकिनेछ । 'मेरो सेयर'को मोवाइल एप्स निर्माण भइरहेको छ भने  लाभांश रेकर्ड सेवाको साथमा डाटा फिल्टरिङ(केवाइसी अपडेट)को काम तथा अन्य लगानीकर्तामैत्री विशेषताहरु थपगर्ने योजना समेत रहेको छ ।