सूर्या लाईफ इन्स्योरन्स कम्पनीद्वरा १२ प्रतिशत बोनस प्रस्ताव

सूर्या लाईफ इन्स्योरन्स कम्पनीले ४० प्रतिशत हकप्रद समेतले पाउने गरी गत आर्थिक बर्षको नाफाबाट १२ प्रतिशत बोनस वितरण गर्ने प्रस्ताव गरेको छ । इन्स्योरन्स कम्पनीले १२ करोड १२ लाख ७५ हजार रुपैयाँको बोनस वितरण गर्ने भएको हो । त्यसैगरि बोनसमा लाग्ने कर प्रयोजनका लागि ६३ लाख ८२ हजार ८९५ रुपैयाँ नगद लाभांश समेत प्रस्ताव गरेको छ । हाल इन्स्योरेन्स कम्पनीको चुक्ता पूँजी ७२ करोड १८ लाख ७५ हजार रुपैयाँ रहेको छ । १२ प्रतिशत बोनस सेयर र ४० प्रतिशत हकप्रद पूँजीकरण गर्दा इन्स्योरेन्सको चुक्ता पूँजी एक अर्ब १३ करोड १९ लाख रुपैयाँ पुग्नेछ ।चालु आर्थिक बर्षको तेश्रो त्रैमासमा इन्स्योरेन्सले ९ करोड ७७ लाख ५४ हजार रुपैयाँ खुद नाफा आर्जन गरेर प्रतिसेयर आम्दानी १८ रुपैयाँ ६ पैसा कायम गरेको छ ।