नेपाल सेवा लघुवित्तको ६ लाख कित्ता सेयर नेप्सेमा सूचिकृत

नेपाल सेवा लघुवित्त संस्थाको ६ लाख कित्ता सेयर नेप्सेमा सूचिकृत भएको छ । यसमध्ये हालै बाँडफाँड भएको १ लाख ८० हजार कित्ता आइपीओ पनि अहिले नेप्सेमा सूचीकृत भएको हो । अब सेयर कारोबार भने १ हप्तापछि सुरु हुनेछ । कम्पनीले वैशाख १२ गतेदेखि १६ गतेसम्म कुल १ लाख ८० हजार कित्ता आइपीओ निष्कासन गरेको थियो । यसमध्ये ३ हजार ६०० (२%) कित्ता कम्पनीका कर्मचारी र ९ हजार (५%) कित्ता सेयर सामूहिक लगानी कोषलाई छुट्याएर बाँकी रहेको सेयर सर्वसाधारणलाई बिक्री गरिएको हो । नेपाल सेवाकोे केन्द्रीय कार्यालय सिन्धुपाल्चोक जिल्लामा छ ।